كراهب مستعملة، مفحوصة عند خبير

اشري وبيع كرهبتك وانت مرتاح ومطمان هنا "الغشّة" لا

في LaryCar، ما نعرضو حتى كرهبة قبل ما يفحصها خبير مختص في السيارات ويكتبلها تقرير مفصّل. والبيعة تتم في مكتبنا، بعقد واضح يحمي البايع والشاري.

خبير مختص تقرير مفصّل لكل كرهبة مكتب ثابت وعقد واضح
علاش عملنا LaryCar

شراء وبيع كرهبة مستعملة في تونس ولّى مغامرة

عيوب مخبّية

الكرهبة تلمع من برّا، أما تحت الدهينة تنجم تلقى شاسي مصلّح ولا أكسيدون قديم (تنجم تكون ضربة عادية ومصلحة على قاعدة، وباش تنقص في سوم الكرهبة).

الكيلومتراج طايح

الكونتور يوري 90 ألف كلم، وفي الأصل 250 ألف كلم.

Airbags

محلول وموش ظاهر.

أضواء العطب ممسوحة

يمسحو الأعطاب بالفاليز قبل البيع، والضو يشعل من جديد بعد جمعة.

الأوراق مش صافية

الكرهبة مرهونة للبنك، ولا مازالت في الليزينغ، ولا عليها حجز، وما تعرف كان بعد ما تخلّص.

وقت ضايع

البايع: تلفونات بلا فايدة، وتكسير في السعر، ومواعيد ما يجي فيها حد.

الشاري: يدور من كرهبة لكرهبة، ويخلّص خبير في كل مرة.

قارن وحدك

علاش LaryCar، موش السمسار ولا معارض السيارات؟

فمّا سماسرة ومعارض سيارات يخدمو بنزاهة، أما الطريقة العادية ما تعطيكش حتى ضمانة مكتوبة. في LaryCar الضمانة موش كلام: خبير، وتقرير، وعقد لكل كرهبة.

المقارنة السمسار معارض السيارات
(showrooms)
الاختيار الأضمنLaryCar
كل كرهبة مفحوصة عند خبيركلام بركساعاتديما، قبل العرض
تقرير مكتوب تقراه قبل ما تتنقّللانادراًلكل كرهبة
سوم عادل للشارييزيد عمولتو في السومفيه هامش المعرضسوم مولاها + عمولة صغيرة
البايع ياخذ سوم كرهبتو الحقيقيعادةً يشري بالرخيصعادةً المعرض يشري رخيصيبيع للشاري مباشرة
عمولة واضحة ومكتوبة من الأولعادةً ما تعرفش قدّاش ياخذعادةً ما تعرفش قدّاش ياخذمكتوبة في العقد
مكتب ثابت ومقابلة آمنةفي الشارعنعمنعم
عقد واضحكلمة بركنعمنعم

المقارنة على الطريقة العادية في السوق، موش على شخص ولا معرض بعينو.

إنت شاري؟تشري كرهبة مفحوصة بتقريرها، بلا ما تخلّص خبير على كل كرهبة وبلا هامش المعرض.
إنت بايع؟تبيع كرهبتك بالسعر الي يناسبها، بلا ما تعطيها للمعرض بسعر رخيص وبلا اتصالات وتكسير الراس.
للبايعين

تبيع كرهبتك وحدك؟ نعرفو شنوّة تعاني

بيع الكرهبة يولّي خدمة ثانية. هاذي أكثر الحاجات اللي تتعب البايع، وكيفاش LaryCar يحلّها.

تعب المكالمات

يطلبوك في كل وقت، حتى في الليل، من غير ما يكون باش يشري.

ما يتّصل بيك كان الشاري الجدّي اللي قرى التقرير.

كل شاري يكسّر في السوم

يلوّج على عيب في الكرهبة باش يطيح السوم.

التقرير يقول حالة الكرهبة بالضبط والسوم الي تستحقو.

الشاري ما يثقش فيك

حتى كان كرهبتك نظيفة، يعاملك كيف الي باش يغشّو ويبقى مش مرتاح.

خبير مختص يشهد على كرهبتك، والشاري يقرا قبل ما يجي.

غرباء ونومروك في كل بلاصة

تعطي نومروك للعباد الكل وتتقابل مع ناس ما تعرفهمش.

الشارين يتّصلو بينا، والمقابلة في مكتبنا.

نحب نبيع كرهبتي وكرهبتك تبقى عندك حتى نهار البيعة.
كيفاش نخدمو

طريقين، ونفس الضمانة

سواء تشري ولا تبيع، كل شيء يتعدّى على خبير ويتمّ في المكتب.

إنت شاري؟

مجاناً حتى تلقى كرهبتك
  1. 1
    تعمّر الاستمارةتقلنا الميزانية والكرهبة اللي تحب عليها.
  2. 2
    نتّصلو بيك ونفهمو شنوّة تحبنحكيو معاك باش نعرفو استعمالك وطلباتك بالضبط.
  3. 3
    نقترحولك الكراهب اللي تناسبككل وحدة مفحوصة وعندها تقرير مفصّل تقراه قبل.
  4. 4
    تجي للمكتب وتتقابل مع مولاهاتشوف الكرهبة، تتفاهمو، ونمضيو عقد واضح.
نحب نشري كرهبة

إنت بايع؟

كرهبتك تبقى عندك
  1. 1
    تعمّر الاستمارةالماركة، العام، الكيلومتراج والسوم اللي تحب عليه.
  2. 2
    نتّصلو بيك بالتلفوننسألوك على الكرهبة ونتفاهمو على كل شيء بالتلفون، بلا ما تتنقّل.
  3. 3
    تجيبها للمكتب والخبير يفحصهازيارة وحدة: الخبير يكتب التقرير ونمضيو العقد.
  4. 4
    ما ترجع للمكتب كان نهار البيعةنعرضوها على الشارين الجدّيين، وكرهبتك تبقى عندك حتى نهار البيعة.
نحب نبيع كرهبتي
علاش LaryCar

اللي يخلّيك تشري وانت مرتاح

خبير مختص

كل كرهبة يفحصها خبير مختص في السيارات قبل ما تتعرض. الكرهبة اللي فيها مشكل كبير ما تدخلش أصلاً.

للشاري والبايع

تقرير مفصّل

المحرك، الشاسي، الدهينة، الكيلومتراج والأوراق. كل شيء مكتوب وتقراه قبل ما تتنقّل.

للشاري

عقد واضح

عقد مع البايع وعقد وعد بالبيع مع العربون. الحقوق مكتوبة وكل واحد يعرف شنوّة عليه.

للشاري والبايع

مكتب ثابت

ماناش صفحة فيسبوك وتلفون برك. عندنا مكتب تجي ليه وتلقانا فيه.

للشاري والبايع

ما تضيّعش وقتك

الشاري ما يدورش من كرهبة لكرهبة، والبايع ما يجاوبش على مية تلفون. نقابلو الناس الصحاح ببعضهم.

للشاري والبايع

كرهبتك تبقى عندك

ما تخلّيش الكرهبة عندنا. تبقى تستعمل فيها حتى نهار البيعة.

للبايع
دقيقتين برك

عمّر الاستمارة ونتّصلو بيك

ما فماش حتى التزام. نتّصلو بيك، نفهمو شنوّة تحب، ونقولولك كيفاش نكمّلو.

أسئلة

اللي يسألو عليه الناس

كيفاش نشوف الكراهب المتوفرة؟

ما نحطّوش الكراهب الكل على الموقع. تعمّر الاستمارة، نتّصلو بيك ونفهمو شنوّة تحب، ونقترحولك برك الكراهب اللي تناسب ميزانيتك وطلباتك.

لازم نجيب خبير على كل كرهبة نشوفها؟

لا. كل كرهبة عندنا مفحوصة وعندها تقرير قبل ما تتعرض، وما تحتاجش تجيب خبير في كل مرة.

كرهبتي لازم تبقى عندكم؟

لا. الكرهبة تبقى عندك وتستعمل فيها عادي. نتّفقو على مواعيد الشارين في المكتب.

التقرير يضمنلي الكرهبة؟

التقرير يوصف حالة الكرهبة بالتفصيل نهار الفحص، باش تشري وانت تعرف شنوّة تشري. الشروط الكل مكتوبة في العقد.

قدّاش تاخذو؟

عمولة صغيرة ومعروفة من الأول، مكتوبة في العقد. نفسّرولك كل شيء بالتلفون قبل ما تلتزم بحتى حاجة.

كرهبتك الجاية، من غير ما تتغشّ

عمّر الاستمارة توّا، ونتّصلو بيك.